卡城士氣曳讓唔起富咸

猪拉多纳

英超今晚有場護級大戰，由卡迪夫城主場對富咸。卡迪夫城近期連場輸波，加上球隊日前傳出不利消息，球員狀態同士氣都麻麻。相反富咸自「魔鬼教練」馬加夫上場後，表現明顯有改善，上仗對車路士都頂咗大半場，今仗作客卡迪夫城有望成功搶分，阿謙捧讓球客勝。
班主陳志遠違規受查

卡迪夫城上仗聯賽作客以0比1不敵熱刺遭逢3連敗，班主陳志遠更因為涉及臨時加設獎金違規，現時正被英超聯賽會調查，球隊出現此不利消息難免令球員士氣低落。卡迪夫城主帥蘇斯克查早前指出其收購嘅球員將會逐漸發揮威力，更點名指曼聯借將韋費特沙夏有能力令球隊起死回生，但成班波似乎仍然摸索緊「蘇B」嘅戰術模式，今仗主場贏波嘅難度唔低。

富咸自馬加夫領軍後，上仗聯賽主場雖以1比3不敵車路士，連續9場賽事都贏唔到，但表現其實一啲都唔失禮，上半場更能與「車仔」保持均勢打成平手，到下半場才失守實屬非戰之罪。馬加夫與中場主將柏加及基蘭李察遜近日接受訪問時皆表示，球隊上下仍未投降，更深信最終會成功留級，大軍陣營現時士氣不俗，今仗作客處於頹勢嘅卡迪夫城有望成功搶分。
now 621周六晚11時直播