漢諾威急搶分打劫利華

猪拉多纳

剛過去周日又有一輪國際賽，依家歐洲主流聯賽打到如火如荼，唔少球員已經搏到殘，喺咁忙碌嘅時期仲要攝多輪太公波，真係好攞命！講真，打緊大會嗰班球員點會同你搏吖，練兵效果有限，國際足協真係要檢討吓，如果唔係棧搞到啲大球會詐型。

嚟緊下周中歐聯重燃戰火，大家又要特別小心各支名牌球隊熱倒。德甲大軍利華古遜於歐聯打得好曳，輸到冇晒信心，周六晚聯賽作客漢諾威小讓平半，個盤本來幾吸引，可惜佢哋個勢唔掂，絕對靠唔住。漢諾威未拎夠分，仲要為護級奮鬥，趁住對手謝謝哋，今戰有力搶分，呢場可博下盤！

（有線64及203台周六晚10時30分直播）
卡坦尼亞主場搵食

同日意甲卡坦尼亞主場對卡利亞里，主隊今季踢落冇神冇氣，否則都唔使搞到要護級，呢班波戰鬥力有限，一定要揀波踢，唔可以場場搏，主要係集中火力於主場搶分，所以對上兩場作客輸波唔使太介懷。卡坦尼亞呢次返到自己地頭面對同級對手係贏波黃金餐士，小讓平半要上盤！

（TVB 301周日凌晨3時45分直播）