巴塞讓客靠得住

猪拉多纳

華拉度列遇強必輸

西甲今晚有深陷降班漩渦嘅華拉度列，主場迎戰「聯賽二哥」巴塞隆拿，華拉度列今季一直喺積分榜下游掙扎，急需搶3分護級，不過佢地踢咗一大半聯賽只係贏得4場咁大把，就算主場出擊，相信都好難阻到同樣需要3分爭標嘅巴塞，今晚就算「讓球主客和」巴塞讓到兩球，2.25倍嘅「讓球客勝」照計都無走雞！

（now632台周六晚11:00）

上周馬德里打吡搞到兩敗俱傷，令巴塞坐享漁人之利，暫時只係以1分落後榜首嘅皇馬，不過佢哋要染指聯賽錦標嘅話，對下游球隊非勝不可。雖然下周中有歐聯16強次回合對曼城嘅後顧，不過佢哋手握兩個作客入球，返到主場預計可以輕鬆過關。効力巴塞一隊長達15年嘅忠臣佩奧爾，啱啱星期二宣布會喺今季後離隊，「張峰」相信咁會令隊波多一個動力去贏聯賽冠軍，士氣一定有所提升，加上尼馬喺國際賽大演帽子戲法，狀態甚勇，今晚有力繼續數胡，炒起華拉絕對唔難。
華拉度列近10場得1勝

反觀華拉度列近況持續慘淡，最近10場聯賽僅得1勝5和4負，佢哋今季唔止對中游分子經常失分，對3大強隊皇馬、馬體會同巴塞更加係全敗，最低消費輸兩球，今次再對「地上最強」睇怕都要輸多鑊甘，就算陣中王牌前鋒查維亞古艾拿今季累積12個聯賽入球，但對住擅於控球嘅巴塞，想造出攻勢唔係咁易。