大將風馳進度佳

猪拉多纳

　　頭場五班1650米的「奄尖大少」，上季只得一W，今季苦戰八個回合仍未開齋，戰鬥力顯然退化。不過細心觀察，大前仗牠角逐谷草1650米，追勢如箭追入殿軍，表現已見起色，今復歸同程要吼緊！

　　「奄尖大少」於總場次231得殿，負於頭馬「添多福」一又四分一身位，看後駒接戰升上四班仍得第四，則「奄尖大少」身處五班應有微利。事實上，該役季軍馬「普渡馗」再出繼續入位，進一步引證「奄尖大少」居五班具起筷能力，尤以出戰谷草一哩最有威脅。「奄尖大少」現較當時再減四分，坐位望贏必可辦到。

　　另外，列陣第二場四班1200米的「大將風馳」，上仗突如其來追入冷位，雖云盡得快步速幫助，實力未宜高估，惟質新馬進度一日千里，況且本身尾兩段造44秒48，追勢實在太靚，匆匆再出要提防！黃奔