悉尼 獅吼鬥攻做「大」騷

猪拉多纳

防線唔掂入波補數

今日澳職場獨腳戲由榜首布里斯班獅吼作客FC悉尼。獅吼暫時以10分優勢穩坐榜首，當然想盡早稱王，對手悉尼就為季後賽資格而戰，雙方鬥攻至啱撐1.7倍入球大。

（有線64、203周五下午4:30直播）
悉尼交手勁失波

獅吼最近復勇連贏2場，當中更轟入5球，連射手貝利沙都打破入球荒，火力唔成問題。FC悉尼鋒力同樣唔差，近4仗入8球，足以撕破連續7場失守嘅獅吼防線。不過球隊後防對親獅吼例牌腳軟，近3次交手畀對方轟入12球，加上守將艾希爾菲今仗停賽，點睇都似一場入球騷。