機動新特蘭護級戰發圍

猪拉多纳

一場護級六分波，究竟係一定要贏，定係一定唔輸好呢？請大家依家代入新特蘭領隊普耶角色去諗，就會知道今晚「黑貓」主場對水晶宮，佢哋會點踢，應該點樣投X。普耶手擁一班機動性強嘅球員，對住同級球隊一定同你死過，之前對住紐卡素大炒3比0就係代表作，唔好因為近期盃賽失利睇低佢哋，今仗主場小讓平半，上盤抵捧。

未講波先講吓依家兩軍護級形勢，新特蘭排尾二，水晶宮排尾五，「黑貓」比水晶宮少三分但踢少兩場，亦比其他主要護級對手踢少兩至三場，換句話講，新特蘭失分比其他球隊少，只要餘下賽程醒醒定定，成功護級並唔係難事。

「黑貓」上次聯賽上陣已經係2月22日嘅事，對上兩場分別係英格蘭聯賽盃決賽不敵曼城1比3及足總盃8強輸畀侯城0比3，渡邊年認為，呢兩場盃賽失利，反而對新特蘭護級更有利，無疑，球隊士氣上可能有些少打擊，但明顯擺喺眼前嘅，新特蘭目標係護級大過盃賽任何成就，球隊可以更專心聯賽。
水晶宮缺射手唔夠揪

領隊普耶手頭上擁有一班機動強嘅球員，前鋒波連尼已經不止一次證明自己級數，聯賽盃對住曼城都入到波，對水晶宮更加唔需要懷疑佢嘅數胡能力，普耶對同級球隊有一定把握力，之前大炒紐卡素係今季代表作，遇正水晶宮首席射手查馬克受傷未能上陣，仲唔係贏波好機會？今仗坐鎮光明球隊出擊，「黑貓」上盤手到拿來。
now 632周六晚11時直播