馬體會韋拿搵愛奴出氣

猪拉多纳

至於今晚西甲尾場，「床單兵團」馬體會喺主場迎戰愛斯賓奴。馬體會啱啱周中歐聯大勝AC米蘭，但射手韋拿全場坐冷板鬱鬱寡歡，為趕搭世盃尾班車，實將一腔怒火發洩嘅無欲無求嘅愛奴身上，隨時半場就KO對手，半場主勝值得捧場。
半場搞掂愛斯賓奴

馬體會周中歐聯以4比1大炒AC米蘭，事隔17年後首闖8強，氣勢如虹。不過同弗到爆嘅「野獸」迪亞高哥斯達相比，嗰場波一直喺場邊熱身嘅另一前鋒韋拿則冇得披甲勁冇癮，連主帥施蒙尼都話feel到佢有啲嬲，由於西班牙隊前線人才濟濟，韋拿為趕搭世盃尾班車，梗係希望有得落場爭取表現喇，相信今仗施帥識做會派佢上陣，睇番上仗聯賽作客切爾達大部分時間老鼠拉龜，就係憑韋拿機警地把握對方守衞犯錯，3分鐘內省兩粒贏波，證明佢寶刀未老。

愛斯賓奴近況一般，最重要係佢哋既無護級壓力，亦難爭來屆歐霸資格，名正言順踢風流波，戰意成疑，近年作客卡達朗球場又輸多贏少，「床單兵團」追趕榜首嘅皇馬唔會hea踢，谷埋成肚火嘅韋拿立功心切，隨時一開波就嚟料，預計愛奴半場都頂唔住，主W太熱冇肉食，不妨捧有1.65倍嘅半場主勝。
now 632周日清晨5時直播