正氣史篤城夠殺韋斯咸

猪拉多纳

國際米蘭屬意甲名牌，經常都扯飛，但呢班波現時由印尼老闆話事，印尼喺國際菠菜市場上聲名唔係好好，依家國米畀外人主理，難免令人有好多聯想。球會盤數愈搞愈差，個爛攤子執唔掂，更加令人憂慮，去到季尾真係要小心，唔好盲目再追捧呢類褪色名牌。

講番今次重心推介先，英超正氣波史篤城主場對韋斯咸，捧主隊！史篤城今時今日能夠於英超企穩陣腳，全因班波場場都搏畀你睇，打主場賽事仲特別落力，近期接連殺敗曼聯同阿仙奴，真係唔講得笑！相反韋斯咸係正宗搵食波，經過早前一輪搶分後，係時候回吓氣，今場史篤城主場小讓平半，呢隻上盤捧得過！

（now 625周六晚11時直播）
利雲特主場遇同級有計

同日西甲利雲特主場對切爾達，主隊上場對住超級勁旅皇馬淨吞三蛋，兩班波級數有別，呢類賽績可以抹咗佢。利雲特實力有限，只能夠揀波踢，近期班波主場對住同級球隊好有辦法，今次遇上切爾達都佔上風，現時小讓平半，個盤都算合理，上盤值得一試。

（周六晚11時開賽）