ＦＣ山東成中超第二勢力

猪拉多纳

亞洲足球近年慢慢出現變化，以往東亞區都係南韓同日本球隊惡晒，亞冠賽事經常都係佢哋啲代表攞晒威。不過，隨住當地經濟狀況轉差，依家兩國球會投放嘅資源愈來愈少，外援質素自然會下降，直接令整體水平下滑。中國唔少球會有水喉射住，簽入好多優質外援，依家部分球隊水平已經達到亞洲一線。

中超名牌球隊FC廣州（廣州恒大）上屆強勢喺亞冠封王，新季國內仲有另一支勁旅同佢鬥過，呢隊就係FC山東（山東魯能）嘞！呢班波被指擁有同恒大匹敵嘅人腳，淨係一個前巴西國腳路夫都夠犀利啦！山東有心大搞，依家已經係恒大之後嘅中超第二勢力，上輪亞冠盃佢哋砌低日職勁旅大阪櫻花嘅戰績絕對冇花冇假。不過，佢哋今次硬撼韓職勁旅浦項制鐵並冇必勝把握，呢場最好跟進魯能嘅表現，齊齊做定功課。
韋根有料 讓波照捧

歐聯賽事繼續成為菠菜市場焦點，英超名牌球隊車路士喺聯賽失分，好大程度係因為有歐聯後顧之憂，呢次對住加拉塔沙雷將會毫無保留搶攻，兩班波都有攻力，車仔級數較高，預期可以贏波晉級，同時推介上盤同大盤。

至於英冠韋根愈戰愈勇，呢隊波本身有爭升班嘅本錢，佢哋季尾一發力嗰陣氣勢真係好難擋，對住弱旅伊奧維又係搶W良機，讓到超過1球可照捧上盤。