沙士菲返主場重現強細

猪拉多纳

南美自由盃第1組分組賽，阿甲勁旅沙士菲主場迎戰玻利維亞強者，強者上周於主場淨勝沙士菲兩球，不過今次主客互調，相信沙士菲可憑主場之利報番一箭之仇，1.12倍主W熱得有道理，此組之前所有賽事戰果都係一球起、兩球止，捧2.25倍入球細仲好分。

(周三凌晨9時開賽)
穩打穩紮　甚少大勝

現時第1組形勢，包尾嘅秘魯體育大學三戰全敗屬陪跑分子，兩個出線席位相信由目前同得六分嘅沙士菲、強者及來巴西嘅帕拉尼恩斯爭奪，所以三隊之間嘅正面較量對出線形勢更加關鍵。

睇番呢三隊今屆分組賽碰頭，全部都由主場一方勝出，足證主場因素對爭勝有決定性影響。沙士菲對上四場主場比賽全勝，水準非常穩定，相反強者唔單只喺自由盃不敵帕拉尼恩斯，就算喺國內面對聯賽中游分子都輸波，難望有奇迹出現。不過以上三支都係穩打穩紮型球隊，贏波甚少大勝，所以此組六場比賽賽戰果唔係「1比0」就係「2比0」，全部開細盤，建議可續追入球細。