拉魯斯復仇碌爆卡

猪拉多纳

作客輸得冤枉成肚火

明早繼續上演南美自由盃，阿King全力推介第3組阿根廷球隊拉魯斯主場對哥倫比亞球隊卡利，拉魯斯上周中作客卡利，表現其實唔錯，一度領先大半場，但因末段被判罰爭議性12碼衰收尾，的確有啲唔抵。拉魯斯今仗返回自己地頭，勢必大報復，雙倍奉還，主勝可用作過關重心。

（周五早上6時45分開賽）

拉魯斯上輪去到哥倫比亞，早段已打開紀錄，但換邊之後卻連失兩球衰收尾，其中最關鍵一球係卡利受惠於主場之利，即使球員有插水嫌疑下仍博得12碼所致，結果搞到拉魯斯輸得不明不白，因此佢哋為咗啖氣，今仗一定唔會放過卡利。加上拉魯斯分組賽3戰仍未贏過，已經再冇失分空間，必數盡卡利，重振士氣。卡利主場一條龍，作客一條蟲，近9場作客僅3和6負，包括自由盃輸畀智利球隊奧希金斯，今仗遇上主場3連勝嘅拉魯斯，恐怕凶多吉少。
波特諾入球騷encore

同組巴拉圭球隊波特諾主場對智利奧希金斯，主隊落後次席奧軍1分，今仗必定把握地利優勢，力搶3分反超前，惟有焗攻。雙方上仗交鋒打成2比2，可望再次上演入球騷。

另外，第5組巴西球隊高士路主場對烏拉圭球隊迪芬沙士砵亭，高士路上輪作客慘吞迪芬沙士砵亭兩蛋，但今仗主W竟然熱爆至1.18倍，阿King建議博1.68倍讓球主勝。