愛華頓搏殺成功率高

猪拉多纳

英超名牌球隊曼聯於歐聯踢咗場翻身戰，查實呢班波人腳絕對唔曳，衰在之前打到失晒信心，只要嚟緊保持水準，慢慢重新建立強勢，預期可於季尾進入升軌，唔好講話爭唔爭到歐聯席位喇，起碼踢番幾場好波畀啲球迷開心吓。「紅魔鬼」今輪作客韋斯咸讓半一，都可秤先多少。

講番今次重心推介先，愛華頓主場對史雲斯，捧主隊！愛華頓舊帥莫耶斯去到曼聯變咗過街老鼠，反觀「拖肥糖」現時教頭馬天尼斯帶到班波有聲有色，贏得唔少行內人讚賞，已被視為英超其中一位有料主帥。愛華頓主場評級高，對住次級球隊搏殺成功率亦高，今次遇上史雲斯又係出擊好時機，上盤值得一試。
史浩克返德甲惡氣足

同日德甲賽事史浩克04主場對布倫瑞克，捧主隊！史浩克剛於歐聯出局，都係意料中事，呢隊波於歐洲只屬二線隊，但返到德甲有番惡氣。布倫瑞克早被視為降班膽，佢哋只具備德乙頂級球隊實力，遇強整定冇運行，呢場要上盤！

（周六晚10時30分開賽）
now 623周六晚11時直播