筍盤益你:大智慧升班照贏

不死鸟

 一匹馬跑第二仗即打開勝門，除咗早熟之外，相信質素必有番咁上下，好似第九場三班千二米泥地嘅「大智慧」今季首度上陣，至今六戰累積兩冠，尤其上仗初跑泥地，即以兩個半馬位輕鬆壓倒「開心福星」取得第二捷，相信呢次升上三班亦冇問題。

        今仗「大智慧」排十檔起步，形勢當然唔及上仗四檔咁有利，不過負磅卻大減十一磅，對一匹三歲馬�a講可謂如釋重負，續配贏馬拍檔楊啟棠駕輕就熟﹔主要對手「聖河」啱啱硬拼完兼負重磅，計落「大智慧」有力再下一城。

        德甲喺利華古遜近排表現飄忽，喺德國盃主場對乙組緬恩斯，結果九十分鐘打成一比一後，要到加時先贏波﹔前仗聯賽嘅主場對榜尾卡爾斯魯厄，居然仲輸埋○比一，但上仗作客近況突出嘅史浩克04，反而卻贏二比一。

       點解利華古遜咁難捉﹖原因係依家佢喺聯賽排第八，除非前列球隊係咁失分，否則已冇希望爭取到下季歐洲賽資格，今次主場對比勒費爾德，客隊目前排尾三，形勢水深火熱，鬥志反而唔使懷疑，加上近三季跟利華古遜七度交手，比勒費爾德共得四勝兩和，讓球主客和開主隊讓一球，當然要捧客勝。