奧沙主場受讓搵到食

猪拉多纳

西維爾歐霸盃放乾晒

歐霸盃去到淘汰賽階段逐漸多人留意，整體投X額遠勝分組賽，呢個賽事早年曾經出現唔少問題賽事，部分菠菜人士仲未回復信心，不過，查實好多行家都已放低戒心，始終依家全世界都睇到實，冇乜人夠膽亂嚟。莊家就開出更多玩法吸客，除咗基本嘅走地角球之外，連黃牌都有得賭，呢類特別玩法一般係大賽先開，顯示佢哋都將歐霸盃視為一線賽事。

今次主力推介揀咗場西甲，由奧沙辛拿主場對西維爾，捧主隊！西維爾剛於歐霸盃同死敵貝迪斯砌足百二分鐘再射埋十二碼，耗力極多，呢次返到聯賽仲要打周日早場，未必回得切氣。奧沙辛拿近績查實麻麻，連場輸波，其中上場畀班霸巴塞隆拿狂數，一嚟對手確係犀利，但留意佢哋抱住半放棄態度出戰，明顯係揀波踢。奧沙辛拿呢類球隊靠主場搶分，早前殺敗勁旅馬體會賽績一流，踢番嗰場水準唔怕西維爾，受讓抵玩！

（now 632周日晚7時直播）
博洛生死戰搶畀「里」睇

同日意甲博洛尼亞主場對卡利亞里，兩隊護級分子交手，呢場係關鍵六分波，相比之下，博洛尼亞形勢更危急，呢隊波近況唔算好好，但喺呢類生死戰仲邊有得保留吖，實會去盡砌畀你睇，小讓平半用半個博一個，一於小試上盤。

（周日晚10時開賽）