心路強配贏得快

不死鸟

第一場五班1600米（草地）。「皇仁俊駒」近五戰非冠即位演出可人，5歲「沙彪」子嗣遲熟份子，適應水土後開始踏上升軌，目前居五班佔盡上風，睇番近期走勢，狀態長期見勇，而經過邊?邊操下，態況又見冒勇，今次跑番強項，超級馬力足再贏一仗。「好心情」雖然至今三甲不入，但觀型格不似庸材，睇番近仗走勢，顯見態況漸入佳境，重新打磨狀態較過往為佳，強配柏寶有力勝回一仗。
第二場四班1600米（草地）。「太平洋」老馬近6戰得3冠2季1第五表現出色，顯見呢匹9歲馬戰鬥力仍強勁，實在有賴練者保養得宜兼催谷得法成果，睇番馬匹雖連拚多場，近期晨課所見依然神生力足，無疲態不但止，感覺還越戰越勇，今次再跑勝途，韋健仕停賽胡森即搵來柏寶操刀，擺明有意用盡一時。「龍馬精神」亦是此程好手，小休儲火蓄銳而臨，排得1檔好位，有利牠放頭，利用快放本錢可爭前列。
第三場四班1400米（草地）。「心路」季內多仗屈居二奶，未能取勝純粹輸運氣，唔係遇強手就係受阻後上不及，睇番賽績所輸畀頭馬都係實力份子，以此作指標，反映現居四班份量十足，而經過連場實戰，近況勇熟並進，今次再跑合腳法的1400米，強配手風大順的柏寶操刀，質態俱備面對不強對手，贏馬此期時矣。「果然勁」上場爭1000米得第七，睇其落腳甚慢，顯見馬匹現時跑短途已不合時宜，論近況仍處勇境，今次增程跑1400米有利牠追趕，馬偉昌不肯放手必具戰意，肯施殺�舴�位望贏可做到。
第四場五班1200米（泥地）。「贏得快」轉投蔡約翰馬房後，狀態納入正軌之餘，更燃起其鬥心，睇番近兩戰得1冠1季佳績可印證，五歲馬經過調校後踏入升軌，今次轉戰泥地，對此匹大勇快放馬更利進取，排得1檔好位，可期一放迄終再下一城。「皇龍飛駒」亦是此程好手，態況不俗馬強配杜利萊壓陣，可與前駒一決雌雄。