車路士忙到極細水長流

猪拉多纳

車路士今晚英超放「水」？事關球隊將於下周中歐聯八強首回合，作客硬撼巴黎聖日耳門，大戰當前好大機會留力，領隊莫連奴派副選出擊好合理，屬於小勝格，客Ｗ乏味，揀1.78倍入球細。

莫連奴奉行實際主義，只求贏波，不求大勝，上仗大炒阿仙奴6蛋，實屬難得一見。講到影響今晚賽果最關鍵因素始終係歐聯，車仔入到八強，加上英超進入大直路，餘下賽事必步步為營，否則稍有不慎，隨時搞到四大皆空，今場作客水晶宮唔需要去得太盡，只要先開紀錄，就可拉布到尾。
水晶宮擺明死守

近日傳出聖日耳門想收購車仔兩星奧斯卡杜斯山度士及夏薩特，激嬲莫帥，要儲定火向聖日耳門開炮。至於水晶宮係英超攻力最差球隊，30戰僅入19球，比包尾嘅富咸仲少11球，但失波數字同次席利物浦一樣係39球，典型死守部隊。面對車仔，水晶宮除咗屯重兵後防，亦冇其他板斧，希望輸少當贏。
now 621 周六晚11時直播