黑貓主W扑「錘」

猪拉多纳

波連尼復出數胡

今晚英超獨腳戲有新特蘭主場鬥韋斯咸，「黑貓」雖然身處降班區，不過佢哋上仗對紅軍踢出鬥志，加埋有波連尼等主力復出，有力砌低近況唔算太好嘅「錘仔幫」，搶分護級，一於直取2.07倍主W啦！

（now621台周二凌晨3:00直播）

新特蘭上半季因為「迪肯尼奧之亂」搞到持續低沉，好彩自普耶接手後，成隊波即刻踢番出應有水準，仲曾經打入聯賽盃決賽添！新特蘭上場對利物浦鬥志高昂，尾段更壓住紅軍嚟攻幾乎搶番1分，就證明呢隻「黑貓」極有決心留番喺英超。

新特蘭近8場主場只係輸過1次，同埋唔好忘記佢哋上仗有倒戈嘅波連尼唔出得，呢位主力射手今場回歸，同阿當莊臣等猛將夾手夾腳，絕對有力砌低韋斯咸。
韋斯咸作客變軟腳蟹

「錘仔幫」今季表現唔算差，不過慘就慘在佢哋作客戰績差強人意，最近9場居然錄得6場敗仗，證明一離開屋企就變軟腳蟹，加上領隊艾拿戴斯拎完2月份最佳領隊後錄得3連敗，隨即傳出季尾換帥嘅消息，陣中士氣又點會好？仲有呀，韋斯咸雖然未算「上晒岸」，但離降班區都有段距離，歐洲賽又唔會有佢哋份，冇嘢好爭之下戰意的確成疑，點睇都係有地利、有鬥心嘅「黑貓」秤先啦！