恃質凌人！博巴塞「讓和」

猪拉多纳

歐聯8強爆「西班牙內訌」！兩支西甲勁旅巴塞隆拿同馬德里體育會今晚喺魯營球場交鋒，雖然戰線由西甲變歐聯，兩軍又實力接近，但考慮到巴塞有主場之利，加上歐聯經驗較異軍突起嘅馬體會豐富，可以睇高半線，一於博巴塞小勝，撐3.4倍「讓球和」。

（有線62及202周三凌晨2:45直播）

巴塞自從喺國家打吡擊敗皇馬後信心返晒黎，上仗作客愛斯賓奴雖然受制於對手粗野攔截，不過仍然都可以控制戰局，最終憑美斯射入12碼小勝1:0。巴塞今仗只係得正選門將域陀華迪斯收咧缺陣，守將桑治同佩奧爾都可以復出，有輕傷嘅柏度洛迪古斯尋日亦都復操，陣容非常完整。
大賽球王美斯近5戰場場入波

巴塞呢排條攻擊線由美斯同恩尼斯達兩位大賽球員擔大旗，美斯近5仗場場有士哥，狀態弗到漏；「小白」恩尼斯達嘅穿針引線能力唔使懷疑，近期隻左腳仲大發神威入咗兩球靚波添！唔講唔知，美斯、阿歷斯山齊士、柏度洛迪古斯、尼馬同法比加斯5大球星，今季入球加埋啱啱100球，鋒力真係相當靠得住。
防守力冠西甲馬體會未必大敗

不過咁，馬體會防守力亦係西甲之冠，季初更試過喺魯營悶和巴塞0:0，雖然某程度上係因為巴塞0:0都足夠捧盃，但都見到巴塞根本冇能力大炒對手。防守力上乘，鋒線亦一樣有番咁上下，「西班牙射手」迪亞高哥斯達近5仗場場有士哥，腳風勁順，即使佢隊番巴塞1、2粒，張峰都唔會覺得意外。

可惜，講到底，馬體會今晚始終係作客，而且論質素，巴塞亦高一兩班，一旦「地上最強」先失守，肯定會喪攻求反勝，張峰認為呢場波好大機會係一球上落，「讓和」有分頭，博得過。
美斯 哥斯達歐聯入波多

迪亞高哥斯達近5場都有進帳，佢喺今屆歐聯已攻入7球。

美斯今屆歐聯已攻入8球。

近10次對馬體會，巴塞獲6勝3和1負，上場敗仗要追溯至2010年2月。