寶天利冷味盎然

不死鸟

第二場四班1600米（草地）。「寶天利」上次同班同程用10磅仔蘇狄雄放到最後一程才斷，今次移出外檔或被人睇淡，要知道贏馬一役是採取中段透出跑法，實際影響未必大。處身四班根本上風到極，改用賴維銘是簇新配搭，半冷絕對有得諗。「利之寶」同樣有分在手，可惜搵食分子絕難猜透何時才郁手，用番楊明綸?到全場最輕磅，迄今四捷同程佔其二，都有可博之道。「愛睦善」大前仗同程追近，再出縮落1200都近，上次又安排跑1400唔失準才怪，拚後收埋近個月期間密密做工夫，今次跑番一哩，預期會有突破。「太平洋」今季準到嚇死人，小休一輪又再返到強項1600，唔揀唔得。
第六場四班1400米（草地）。今場焦點必落?「武士神駒」及「旅遊小子」身上，但我更睇好「駿馬繽紛」本身在三班不足四班卻有小利，今次終於遇到一次無乜放頭馬威脅的形勢，對比上次贏馬時評分相同，兼又係跑今次C欄1400，騎練新近又有傑作（「浦紅之友」），況且有馬擔飛熱極也有限，博W我寧揀此駒。