曼城網上推廣 唔係靠講

猪拉多纳

其實大家都知道早一陣子，曼城官網曾經同我做過訪問，喺佢哋對巴塞隆拿嘅歐聯賽前關心吓我着邊隊球衣，而且引起唔錯嘅回響，其實曼城近年喺世界各地嘅推廣工作做得好好，當中所花心思亦好值得欣賞。

舉例說，佢哋喺世界各地都有設分部及網站，讓推廣工作唔係單一嘅官方化，而係可以深切配合當地文化，而且佢哋嘅球員都好願意配合，不時拍攝一啲搞笑嘅影片，讓球迷對球員有更多認識，亦令球員更有親和力。而且佢哋嘅網上推廣亦好全面，無論在Instagram、Facebook，甚至twitter等都有齊，只要你有Follow就即時可以收到佢哋嘅最新消息。
大埔照Run fb 港甲做幾多？

其實有咁好嘅例子，點解港甲唔可以好好參考？以上季大埔為例，我哋再資源有限都大搞Facebook，亦喺大賽時製作宣傳片放上YouTube。所需費用其實唔多，可恨今季我們哋已經冇人手去做，但至今我哋仍好努力義務咁維持Facebook運作同做球賽相片紀錄。但問題係港甲大部份分球會都冇心做呢方面嘅推廣，做咗亦唔夠持久咁執行。當大家怪球迷同政府唔支持之時，球會又可以自問做得足同做得夠未呢?

今個星期曼城對修咸頓，希望大家可以用另一個角度去睇吓曼城點樣去推廣，我會同大家一齊睇！

（now 621周六晚7時45分直播）