馬賽散晒中門大開

猪拉多纳

今晚法甲獨腳戲，馬賽坐鎮主場迎戰包尾大幡阿些斯奧。馬賽喺爭逐下屆歐聯入場券之路遭大幅拋離後，成班波已經謝晒，相反阿些斯奧護級機會渺茫下，反而放開懷抱盡情享受足球，今仗隨時同馬賽鬥攻，轉玩入球大更佳。

（TVB 301周六凌晨2時30分直播）

今屆喺歐聯分組賽全敗出局嘅馬賽，原本季中集中火力喺聯賽搶分，爭上前三搶下屆歐聯參賽資格，可惜隊波唔爭氣接連失分，依家剩番7仗落後三哥里爾12分，機會微乎其微，難怪近5仗未贏過，大軍已經士無鬥志。
阿些斯奧喪攻冧fans

排緊包尾嘅阿些斯奧，與尾四嘅伊維恩相差15分，相信好難逃出生天，唔知係咪因為護級幾近無望，眾將反而冇晒心理包袱，盡情享受足球下，變得入得又失得，近8仗有7場開大，「大」勢停不了，作客頹爆嘅馬賽必「有前冇後，打死罷就」，以悅目足球冧fans，呢場一定多士哥，大盤有分頭值博。