拜仁振軍心炒得起奧堡

猪拉多纳

已提早奪冠嘅拜仁慕尼黑作客奧格斯堡，拜仁下周中有踢歐聯後顧，不過佢哋目前最需要嘅唔係儲備體能，而係贏番場精彩勝仗振奮士氣，近期跌晒Watt嘅奧格斯堡攔佢唔住，黑柴撐1.93倍讓球客勝。

拜仁過去一周接連賽和賀芬咸同曼聯後，現時最需要係攞番氣勢同信心，歐聯要停賽嘅舒韋恩史迪加同查維馬天尼斯今晚都可以盡情搏殺，前線老牌射手比沙路腳風超順，戰鬥力依然強橫。奧格斯堡已經弗足大半季。不過近期明顯回落，大部分球員已有放暑假心態，何況首席射手安達夏恩停賽、次席射手華拿因傷缺陣，三號射手哈利艾天托普近期冇晒狀態，球隊鋒力嚴重削弱，防線近兩輪亦共失6球，遇上拜仁凶多吉少。
博史特加半場勝+主客

同時上演嘅巴登符騰堡州打吡史特加對弗賴堡，兩軍特性截然相反，史特加出名係急先鋒，今季28場聯賽有18場先開紀錄，但只有6場可以由頭贏到尾，成日畀人追和甚至反先，佢哋有17個失球係完場前15分鐘內畀人攻入，後勁差到出奇；弗賴堡啱啱相反，28場聯賽有18場先落後，今季三分之二入球喺下半場取得，尤其作客，近12場作客賽事嘅上半場合共只入一球，習慣睇定嚟食唔失波先唔發力。史特加半場勝有2.25倍好值博，求好分可以博埋半全場，15倍嘅主和同34倍嘅主客都值得一試。
有線61及201台周六晚9時30分直播