搵錯人教維加泰要反

猪拉多纳

日職球會仙台維加泰上季喺下游衝過終點，新季改由澳洲籍教頭艾萊特領軍，點知愈搞愈衰，開季聯賽連盃賽七戰未嘗一勝，攻守都唔對辦，艾萊特嫡系戰將冇貨交，領軍功力備受質疑，今輪作客浦和紅鑽仍處下風，再輸機會好高，熱捧紅鑽1.57倍主Ｗ！

仙台維加泰係2012年日職亞軍，上季大跌Watt排13位，新季由澳職球隊中岸水手撬走艾萊特帶隊，佢喺11至12季度率領水手稱霸常規賽，上季帶領班波贏埋總冠軍，齋睇履歷好似好勁。不過維加泰喺佢帶領下攻守都唔掂，王牌前鋒威爾遜洛迪古斯冇交貨，艾帥嫡系球員中場麥堅治同門神胡高域都冇料到，球隊開咧至今未贏過，聯賽五戰僅得兩分，唔止球迷唔信佢，連球員都開始質疑佢！

浦和紅鑽今季球隊進一步「廣島化」，由廣島三箭來投嘅門神西川周作穩坐正選，三箭就搶咗仙台維加泰首席門將林卓人，令仙台後防弱上加弱。紅鑽教頭柏度域鍾意用原口元氣，蘇豪上季去探營嘅時候，見住柏帥辣操呢個箭頭，佢係有潛力，最衰把握力差啲，不過對住積弱嘅仙台已經夠殺，呢隻主Ｗ可作是日重心。
鹿角夠效率撞散飛腳

同日一哥鹿島鹿角作客大阪飛腳，今季鹿角呢班波好有效率，佢哋唔會壓住對手喪攻，但經常都能將機會轉化成入球，呢樣就係鹿角成功之道。飛腳今季一直予人進攻乏力之感，星級進攻球員宇佐美貴史仍需養傷難變身，平手盤要鹿角。

（有線61及201台周日下午3時直播）
有線61及201台周日晚6時直播