維迪斯蠱惑主場難招積

猪拉多纳

上周荷甲爆出驚天醜聞，前維迪斯班主佐丹尼亞踢爆車路士老細阿布拉莫域曾經暗中使橫手，阻止作為車路士衞星球隊嘅維迪斯喺聯賽爭取好成績，荷蘭足總已經表示會介入調查。雖然暫時未有實質證據，但維迪斯近兩季表現確係有唔尋常地方，例如上季佢哋原本一直係爭標分子，但最後衝刺階段忽然嚟個大跌Watt，最後五輪聯賽只得一勝一和三負，對手仲要包括芬洛、華域克等下游隊伍。

嚟到今季上半季原本成績好哋哋，點知歇冬後又嚟料，頭六場聯賽只得一勝，最奇怪係上半季踢到曉飛嘅車路士借將盧卡斯皮亞桑無故被貶為後備，直接拖垮球隊成績。
阿積士贏波或提早封王

如果呢個傳言屬實，大家唔使旨意維迪斯有心爭上前列，今晚佢哋將於主場迎戰聯賽一哥阿積士，阿積士目前拋離次席飛燕諾八分之多，如果佢哋今場贏波，而同時間飛燕諾失分，阿積士就可以提前宣布衞冕成功，阿積士連盃賽在內近五次作客維迪斯贏足四次，小讓平半一於捧上盤。
now 670及672周日晚8時30分直播