|
|
Peter從來唔鍾意慶祝生日，無論係後生定係今時今日，所以雖然有好多球迷都好關心Peter幾時生日話要慶祝吓，但Peter通常都會一口拒絕。因為Peter認為好日子應該係環繞足球活動，同好友交流及同樂，先至係真正嘅好日，日日開心就自然係生日啦！
青年錦標賽 造勝者根源
Peter認為剛過去嘅星期五可以話係春天開始嘅好日子，亦係生日嘅日子。因為Peter一早就去車路士足球場為小童群益會拍勵志節目，能夠幫呢個主要為基層小朋友提供活動嘅組織拍節目，可以話係一件非常有意義嘅事。及後，Peter出席2014晨曦國際青少年足球邀請賽（U14）擔任頒獎嘉賓，呢個活動有唔少熱心人士出席，包括有國際足協導師郭家明、前香港警務處處長鄧竟成、日之泉JC晨曦會長周文亮同晨曦青訓總監盧國華，八隊波入面有四支日本球隊，最終前三位都由日本球隊奪得，可見日本足球嘅青訓水平甚高，值得香港借鏡同學習，因為「青年足球錦標賽，係製造勝利者的根源」。
Peter下晝去到全香港最靚嘅球場晒草灣球場同元老隊踢番場友誼賽，夜晚再返工講波，咁充實嘅一日真係好過買波中3串4或者買馬中孖T。
「That is my good day, That is my full day, That is my birth day」Peter覺得人老咗，有精神做就應該要做，心安理得過到自己嗰關就得。Peter有幸參與2014年世界盃，所以對呢項盛事都會有好大嘅抱負。
金句：好日何需係生日，足球快樂日就係生日 |
|
金睛卡
发表于 2014-4-6 09:14
变色卡
显身卡