1860冇壓力大盤娛賓

猪拉多纳

Alwin今晚另外兩場心水來自德乙同意甲，首先講德乙1860慕尼黑主場對卡爾斯魯厄，兩軍今季開細率都高於五成，不過Alwin相信今場唔會係悶戰，入球大賠率有2.15倍咁好分絕對博得過。

（周日晚7時30分開賽）

1860慕尼黑同卡爾斯魯厄目前都位列中游，前者明顯踢緊風流波，主場出擊冇壓力，佢哋陣中擁有歇冬期至加盟嘅大迫勇也，呢位日本小將近9場賽事取得4個入球，令1860多咗批日本fans，今晚當然會喪攻取悅球迷。卡爾斯魯厄上仗壓住凱沙羅頓嚟攻，領先到補時至畀對手逼和2比2，全場射門一面倒佔優，贏唔到極為唔抵，教練卡奧辛斯基話唔會放棄爭前三名升班機會，今晚作客都要力爭三分。睇番兩軍對賽往績，雙方近5次碰頭全開大盤，合共炮製咗22個入球，今仗入波唔會少。
帕爾馬唔齊腳益拿玻里

至於意甲方面，帕爾馬主場迎戰拿玻里，今季令人眼前一亮嘅帕爾馬近期狀態明顯回落，近3仗全敗共失9球，最慘係陣容嚴重不整，後防領袖阿歷山度盧卡利尼同箭頭阿馬利因傷缺陣，首席射手卡斯辛奴同後防大將柏列達都有傷，上陣機會唔樂觀，戰鬥力進一步削弱。

對手拿玻里正力爭前三名直接取得下屆歐聯入場券，呢班波質高態勇，近5場聯賽贏咗4場，啱啱以兩球擊敗班霸祖雲達斯，前線希古恩同荷西卡利祖嘅組合火力驚人，今晚作客讓得起帕爾馬平半。

（TVB 301周一凌晨2時45分直播）
Alwin 推介

賀芬咸下盤

4★

1860慕尼黑大

3★

拿玻里 上盤

3★