QPR紙紮防線難抗「暴力般」

猪拉多纳

今晚英冠將會上演「流浪對決」，由布力般流浪（右）主場迎戰昆士柏流浪！「暴力般」近況唔錯兼有射手佐敦洛迪斯大勇，對住名列前茅但狀態波幅大嘅QPR，仍然有能力贏波，一於直取2.15倍主W啦！

（開賽時間：周三凌晨2:45）
射手佐敦洛迪斯托弗

布力般打入季後升班附加賽嘅機會雖然渺茫，但睇番佢哋近6場都未輸過，90後前鋒佐敦洛迪斯仲鬼死咁弗，近兩場已經勁入3粒，連領隊加利保耶都話佢已經勁到「難以形容」，加埋另一「士哥拿」基斯泰迪偶有佳作，唔怪得佢哋近4戰都至少有兩球進帳，今仗夾手夾腳射死QPR，唔係難事吖！

昆士柏雖然好難攞到直接升班嘅席位，但係都算穩守喺前6位置，保住附加賽資格相信唔係大問題。最大嘅問題出喺佢哋條防線度，近9場作客只係得1次保住不失，搞到近7次外訪輸足5場，今次對住有料到嘅布力般，隨時3分盡失呀！