喜發龍再起「風雲」

猪拉多纳

　　列陣第四場四班1650米的「喜發龍」，上季曾交出頭馬後，季內八戰卻僅入位一次，但今仗角逐遺材賽，大家海軍鬥水兵之餘，況且牠現評47分屆其歷史新低，坐位望贏料可辦到。

　　「喜發龍」大前仗跑泥地一哩，早段留後卻遇慢步速，沿途二兼部分時間望空，直路彎再抄四推進，惡劣形勢下末段仍造出23秒05高速衝入殿軍，負於頭馬兩乘許，走勢極具瞄頭。以該役水準計，「喜發龍」今轉爭谷草一哩及面對一眾季內未勝馬，料必游刃有餘，值得細W大P兼投。

　　第七場三班1650米，「大將風雲」上仗跑田草1600米得第八，成績看似不過爾爾，惟事後所見，同場有三駒近日再出，「贏到爆」和「強中堅」俱補中頭馬，「好好機會」也闖入位置，足證「大將風雲」有必要睇高一線。黃奔