高士路主場吔皇加飯

猪拉多纳

形勢輸蝕 大炒博翻身

今晚兩場歐聯之後，緊隨又有南美自由盃分組賽，阿King全力推介第5組巴西勁旅高士路主場對秘魯球隊皇家加斯拿素賽事。高士路今仗需要盡數對手，提升出線機會，勢必強攻冇保留。最有利因素係「皇加」已經出局，隨時放軟手腳Hea踢，主隊隨時為所欲為，高士路讓兩球冇有怕，照取讓球主勝。

（周四早上9時開賽）

高士路現時落後榜首迪芬沙士砵亭3分，亦少次席智利大學兩分，如果「智大」擊敗迪芬沙士砵亭，屆時高士路就算贏波都仲要同迪軍計得失球，先知有冇得出線。高士路為確保晉級機會，當然會力爭入多幾粒。呢支上季巴甲冠軍主場非常惡，包括省聯賽及自由盃在內，近9次喺自己地頭比賽，贏咗8次。加上目前形勢迫使佢哋必須贏波，3分應該十拿九穩。

值得一提，高士路首輪分組賽輕敵，意外輸畀「皇加」，畀巴西傳媒狠批，今仗既要爭出線，又要報仇，梗係想大勝一仗省靚招牌，絕對唔會手軟。皇家加斯拿素除咗爆冷贏過高士路之外，其餘4戰全敗，根本未夠班踢自由盃。更何況球隊無緣出線，點會同你搏，問題係睇吓輸幾多粒啫。
聖羅倫素豁出去「大」無畏

另外，第2組阿根廷聖羅倫素主場大戰巴西保地花高，主隊必須贏波至有望出線，肯定豁出去，但保地花高亦有出局危機，冇得退讓，預料會互相駁火，屬於開大格局。同組智利球隊艾斯賓路拿已獲得出線資格，小心揸流攤，反觀對手厄瓜多爾球隊迪華利獨立隊今仗非勝不可，戰意勝一籌，仲有得受讓，必揀讓球客勝。

猪拉多纳