智多飛瞄準今仗

猪拉多纳

　　近期馬不停蹄，賽事檔期編排頻密，所以經常出馬不滿額，除了田戰發生外，就連谷戰亦偶然有，此情況過往甚少見，看來馬會有關人士必須正視此問題，避免再有冷場出現。

　　講番周日沙田賽事，最高班一組為第八場二班草地2200米大長途，出馬唔滿額只得10駒；由於同程編排向來甚少，是場各賽駒均屬初跑此程，不過絕大部分長力有根有據，路程適應性應不成問題。初步最喜歡霍利時馬房的「智多飛」，無疑牠已橫跨兩季連續16仗三甲不入，賽績令人十分失望，不過近期操練所見卻大有起色，難怪田泰安愛不釋手，尤其上周田草1600米大閘一課，雖然末段要力騎才勝出，但反應不俗，而過終點後餘勢亦強，可見已有作戰水準。操番好瞄準今仗大長途而臨，有望取得久違了的勝仗。

　　對手方面，大摩三駒中，「贏得」雖然最冇長力根據，但近況勇得交關，季內八戰共獲三冠四亞一殿，就連上場泥戰亦僅以短頭位不敵泥地王「經典皇牌」，如果臨場可操控步速慢放，隨時扳到。

　　蔡約翰馬房「桃花心」目前評分肯定未盡，睇腳法亦是愈長愈好之馬，今季大熟大勇，跑出水準必然是前列分子。(耀鈞)