侯城誓劈錫闖決賽

猪拉多纳

足總盃對住甲組仔

今屆英格蘭足總盃出現唔少冷門賽果，主要原因係名牌球隊每每要兼顧多線作戰，去到季尾明顯力不從心，呢個情況都係無力避免。細球會當正足總盃係寶，因為面對頂級球會往往可以賺到好多電視轉播收入，難怪佢哋特別搏命。

今次重心場次都係揀場足總盃四強戰，由英超球隊侯城喺中立場溫布萊對英甲錫菲聯，捧侯城上盤。錫菲聯季中有一段時期打到曉飛，但隨住升上英冠嘅機會愈來愈微，班波近況顯著回落，呢類低組別球隊實力有限，都係打道氣，若然銳氣一過恐怕都係冇乜作為。「老虎」侯城位處英超中游冇嚴重降班威脅，有本錢於盃賽爭取成績，而且過埋呢關就入決賽，難得咁好機會點會放過，今場讓半一都算合理，要上盤！

（now 633周日晚11時07分直播）
博洛護級主場「帕」心口

同日意甲賽事博洛尼亞主場對帕爾馬，意甲現時護級形勢都幾緊湊，除咗卡坦尼亞冇乜得救之外，尾二至尾五球隊仲有排鬥。博洛尼亞現時冇乜優勢，呢班波實力有限只靠主場搶分，若然未能把握機會，恐怕都凶多吉少。帕爾馬想爭歐洲賽席位，但佢哋作客唔叻，讓波絕對唔抵玩，呢場可博下盤。

（TVB 301周日晚6時30分直播）