特雷斯登當「黑」要避

猪拉多纳

烏鴉入侵球場挖爛草皮

今晚德乙有頻頻傳出壞消息嘅特雷斯登，主場鬥1860慕尼黑，呢支尾三球隊由上年12月已經冇贏過波，深陷降班危機，禍不單行嘅係佢哋主場仲畀烏鴉入侵，搞到塊草地爛蓉蓉！相反1860慕尼黑受易帥消息刺激可能會有好表現，受讓一球當然力捧1.93倍「讓客」啦！

（開賽時間：周二凌晨2:15）
1860易帥 作客醒神

德乙進入最後大直路，特雷斯登已經13場不勝，家陣仲要排尾3兼同「安全區」有一段距離，就算唔使直接降班都幾乎肯定要踢降班附加賽，加埋主力射手艾奧迪亞因為十字韌帶受傷長抖，佢哋近8場都未能取得多於1球進帳，波都入唔到，又點搶3分呀？

不過更大鑊嘅係，特雷斯登主場最近慘遭烏鴉入侵，佢哋喺球場築巢之餘更盤據價值10萬歐元嘅新草皮「挖蚯蚓」，結果挖出超過300個泥洞！會方承認被烏鴉破壞嘅草皮已經唔可以再生長，更慘嘅係就算出動到「稻草球員」、蒸氣噴霧等都趕唔走班雀，搞到佢哋非常頭痛。場內場外都咁多問題，今場又點似會贏到波中止頹勢呀？

作客嘅1860慕尼黑近況唔算太好，上仗慘吞卡爾斯魯厄3蛋後，教練芬高更正式「落鑊」由禾艾蘭接手，不過小妹覺得咁反而有機會刺激到班球員喺新帥面前爭取表現。1860近排喺主場表現麻麻，去到作客反而有貨派，連續兩場都交出兩個士哥，當中大迫勇也、杜米歷史達爾等更往往喺關鍵時刻取得入球，今仗絕對可以保住不敗o架。