地膽愛華頓打殘水晶宮

猪拉多纳

今季主場強勁嘅愛華頓，依家喺英超排第4，有機會爭下屆歐聯嘅參賽資格，今輪佢哋喺聯賽主場迎戰水晶宮，可以話實食冇黐牙，讓球主客和「拖肥糖」讓一球，一於捧2倍嘅「讓主」！

（now622台周四凌晨2:45直播）
「拖肥」爭前4場場搏盡

今季愛華頓主場特別旺，就算係前列勁旅去到都攞唔到咩甜頭，4月初喺地頭怒炒阿仙奴3蛋更成為今季代表作。計埋盃賽，愛華頓主場今季只係輸過1場咁大把，真係咩球隊去到葛迪遜公園球場都要忌佢三分，何況係實力有限嘅水晶宮？而且依家「拖肥糖」同阿仙奴仲爭緊前4，對住水晶宮一定唔會收韁，繼續去到盡。

水晶宮最近連贏3場，依家升上第12位，但睇番佢哋今季作客成績只係排聯賽尾四，16場入得9粒更係英超最差一隊，雖然領隊佩尼斯話遇神殺神，就算對手幾勁都唔驚，不過有鬥心但冇料，格爾芬相信都係死路一條。