漢諾威撻着o趙埋法蘭克福

猪拉多纳

嚟緊周末係一連四日復活節假期，原本安排喺周五晚舉行嘅德甲獨腳戲亦因為耶穌受難日而提早一日上演，法蘭克福會於主場迎戰漢諾威。漢諾威上場於護級大戰擊敗漢堡搶得寶貴三分士氣大振，今次作客面對幾乎已經上岸嘅法蘭克福有力再下一城，受讓半一必捧下盤。

（有線61及201台周五凌晨2時30分直播）

漢諾威未踢上輪前只係領先尾三嘅漢堡兩分，所以上場擊敗漢堡唔單止令雙方差距拉開至五分，亦間接令到依家有三十五分嘅法蘭克福護級壓力大減。漢諾威上場表現眾志成城，連超過半年時間冇喺聯賽入波嘅耶高蘭都有士哥，足證球員決心有幾大。相反法蘭克福上周末不敵史浩克04表現冇厘神氣，爭勝意欲一般，就算主場出擊都冇着數，主隊讓半一，下盤乃不二之選。
科特布斯讓波捧對家

除德甲之外，同日仲有三場德乙舉行，特雷斯登上場力挫1860慕尼黑，護級出現一線曙光，主場嘅奧厄排名十二護級壓力不大，平手盤揀士氣較好嘅客軍。另外包尾大幡科特布斯主場鬥聖保利，科特布斯落後尾三嘅特雷斯登七分，聯賽剩餘四輪，想爭番一個護級附加賽資格機會亦唔大，球員難免洩氣，面對實力較強嘅聖保利竟然要讓波，當然捧聖保利下盤啦！