般尼今晚做細界

猪拉多纳

打劫韋根搶直升

英超爭標形勢激烈，不過次級聯賽英冠嘅爭升班情況差不多塵埃落定，榜首李斯特城已確定升上英超，而第二位嘅般尼只要今次主場贏埋韋根，就肯定壓過排第三嘅打比郡獲得直接升班資格，雖然般尼今場戰意鮮明，但攻力唔強係球隊一大問題，即使贏波都係唔慌會贏得多，科娜認為1.68倍細盤更值捧場。

（TVB 301周一晚10時直播）

般尼近期先後冇咗兩大射手丹尼艾格斯同禾基斯，先係丹尼艾格斯因傷缺陣，當佢復出又輪到禾基斯喺三月尾遭受重創，兩人今季各自幫球隊入咗廿球，所以般尼冇咗是但一個都嚴重影響攻力，球隊已經連續六場開細足以證明。不過般尼勝在韌力夠，防守力強，雖然冇咗主將攻力係差咗，但仍然喺重要關頭攞到關鍵入球。

依家般尼同打比郡仲剩番三場賽事，排次席嘅般尼領先八分，即係話只要般尼今場擊敗韋根，來季就可以直升英超，所以今場佢哋一定會搏晒命，誓取勝利三分，但係攻力弱始終係阻礙佢哋贏波嘅重要因素，對住防守唔差嘅韋根相信會攻得好辛苦。
韋根保前六 作客求一分

韋根仲未肯定可以留喺前六名攞到升班附加賽資格，所以韋根亦唔會踢風流波，今場作客或會先以不敗為首要目標，以守為攻之下，入球細機會甚高。