普萊西表現令人失望

不死鸟

前日賽事，又係柏寶表演時間，個人獨取4W兼做埋騎師王，無?韋達表現真係零舍唔同，正因為佢，大熱門勝出率才偏高，點解？因為「戴宗」以及「寶樹友盈」都係臨入閘時被「聰明錢」捧到成為大熱門，前駒全程睇住�a食，初落四班?到最頂磅，直路完全當「愛睦善」無到，重上三班一樣大把世界。
後駒純粹贏在班底，末段被柏寶座騎「永寶駒」追到氣咳；同場初出的「比翼雙飛」果然係好馬，末段撲上來雖然唔勁但已有勢，唔知評磅員又會加幾多分？馬主旗下擁一門三傑（「花好月圓」、「鳥語花香」、「比翼雙飛」），養馬運好到你唔信！
有讚自然有彈，據聞今季約滿在即的普萊西已無意打算在新一季繼續留港發展，前日部份座騎演繹得十分差勁，諸如大熱門「贏得快」，排1檔出閘竟然窒步，未幾抽一抽變成包尾，全程被困馬群，直路取位欠順下只能跑回一席接近的第六名，只係輸畀「實在好」兩個馬位，以直路?上來姿態看，泥地性能肯定不比草地差；另外「中國陸家」在他胯下又是同一模式輸，出閘慢人一拍，均速馬盡失先機下不輸才怪，餘下日子都係要好好睇緊佢?座騎，咪胡亂沾手。

馬神通