皇馬鬥拜仁好睇過決賽

猪拉多纳

好多人希望皇馬對拜仁慕尼黑喺歐聯決賽先至上演，圈外人傳統觀念認為終極之戰應該係名牌對名牌，一號種子對二號種子。不過，係唔係一定要「最強對最強」先至好睇，咁又未必，甚至會剛剛相反。賽前被指係精彩嘅劇鬥，但事實上戰情沉悶，一支因為多位主將缺陣，被睇淡嘅球隊，又會因為將士用命，踢出超水準。上述「反高潮」情況，筆者睇波數十年，屢見不鮮。

筆者之所以認為皇馬同拜仁4強交鋒，比打決賽更具可觀性，因為兩回合更考驗球隊耐戰力，教練針對形勢嘅戰術部署，更能反映出球隊真正實力。反觀決賽一場過，比較易出現偷雞。以上係筆者見解，並唔在乎其他人是否同意。

講番場波，的確令人期待，衞冕嘅拜仁被捧為「宇宙最強」，皇馬亦有近期如有神助嘅加里夫巴利，攻力非常強橫。拜仁控球在腳踢法，極具侵略性，但佢哋防範死球時，經常出現漏洞，C朗同加里夫巴利都係死球專家，勢必對拜仁大門構成重大威脅。今場應會係多波入嘅賽事，入球大偏熱，已反映莊家睇好開大，雖然回報麻麻，但總好過冇得贏，甚至輸錢，不妨熱捧大盤。
金句：大場波大球會大交易