超勝進步及鋒而試

不死鸟

霍利時馬房今季成績不俗，至目前已勝出32場頭馬，暫居練馬師榜第六位，如手風順可望在餘下季尾賽事，突破去季42場頭馬數字絕不為奇。而在本同三谷中夜戰，霍?共有6匹正選馬報名列陣，其中以「揀得準」與「超勝」兩駒最具份量，應屬倉主之爭分實力份子。
 

揀得準再接再厲

「揀得準」前仗轉投霍?後初出，交由紹仔執韁負輕磅，即在谷草1200米贏馬省靚招牌，賽後被加6分，仍留在三班作賽形勢依然有利。相隔一個月再戰同程，原庄配搭上陣，結果力拚僅以半馬位不敵「新薪」屈居亞軍，負於強手蹄下，賽績值得尊重，亦反應出目前居三班爭谷草短途份量十足，復課備戰仍佳，連課快試上力有火，勇況未減，轉倉後馬有進步，看動態馬房亦有用盡一時之意，今回再報爭強項途程谷草1200米，屆時上陣力足左右大局。
「超勝」前仗角逐谷草1000米，結果後上拚入一席接近第三，已試準窄場性能，而剛仗再戰同程，後上不及僅以不足一乘負於「盈驥」蹄下屈居亞軍，其演出亦與賽並進，而且已屆取勝邊沿，拚後有做工夫，近日快試身輕火旺，勇況更盛，此匹四歲馬仍有進步空間，目前居四班形勢有利，季內仍未建功必思進取，今回吼準理想途程谷草1000米報名上陣，同組對手實力並非太強，屆時上陣應到交代時候。