勇戰肯留住追贏得

猪拉多纳

　　今戰女皇盃賽日在田草A跑道舉行，這條賽道本來大利後上馬，但近兩期賽事卻一反常態，唔跟前冇運行，究竟今次利前領還是利後追？實在不太清楚，但若發現實力馬因抽排外檔而變成冷門，最好拖番注，不用過分介懷。

　　第一口孖T頭關第三場四班1200米，「勇戰」至今兩次跑入前五名都在同程，前仗獲季一役，步速被「無敵王者」按得很慢，但牠可憑一條直路追入第三，本來已經唔簡單，再者，蹄下敗將「路財星」再出獲冠，更加顯得「勇戰」實力強橫。偏偏此駒上仗續跑同程卻只得第五，原因應是馬兒當日跟得較前，卻又遇上「秋月春風」狂放，蝕了步速形勢。這次只要潘頓早段肯把「勇戰」留住，待直路再力騎追趕，就有機會贏了。

　　尾關第四場四班1400米，「新標誌」上仗季內初出跑田草1200米，未熱身亦可於快步速情況下跟前跑第五，表現算是不俗，今次增程跑上季初獲亞的1400米，只會更加適合，切勿因為牠抽排大外檔而忽視。