獅吼勝利造大波！

猪拉多纳

布里斯班獅吼今季以帶甩幾條街嘅優勢贏咗常規賽冠軍，照計贏埋個季後賽都冇乜難度，但妹頭睇就未必，一場過嘅賽事，球員心態同發揮都可以截然不同！其實我估獅吼都可以驚險地贏到勝利，但就寧願撐入球大穩陣得多！
兩隊入球率僅次阿聯

翻查紀錄，原來澳職成立八年以來，只有兩年並非常規賽冠亞軍入決賽！獅吼除咗上季踢到甩晒嘴之外，班球員不嬲都有唔錯嘅爭冠經驗，所以睇高獅吼一線。獅吼同勝利都係注重進攻嘅球隊，兩隊亦係常規賽入波第二、三多嘅球隊，僅次已出局嘅阿德萊德聯，兩隊有咁高入球率，貝利沙、艾奇湯臣、古希美等球員居功至偉。

勝利入咁多波，喺季後賽都只係排第四，緣於佢哋防守力較差，利查、柏保路干查拉斯等後衞經常有甩漏，正好畀獅吼射手貝利沙更多入波機會。當然以梅斯卡特嘅領軍方法，勝利唔會咁易投降，一定以攻代守，一齊炮製場令球迷難以忘記嘅大波！仲要記得今日雖然撞正跑馬日，但場波咁重要，球彩台都會直播！

（有線64台周日下午3時直播）
妹頭推介

布里斯班獅吼 大

晉級隊伍 主隊