甘美奧主Ｗ啱素

猪拉多纳

薛羅拔圖領軍打反擊戰

明早上演三場南美自由盃16強次回合，重心推介巴西兵團甘美奧主場對阿根廷代表聖羅倫素，皆因考慮到甘美奧首回合僅負0比1，返回自己地頭必然傾力反撲，爭勝戰意必強。有一代名將薛羅拔圖助陣，憑其豐富大戰經驗，可望幫球隊收復失地。聖羅倫素攻力弱，去到巴西勢必捱打，主W有1.72倍值得一試。

（周四早上9時開賽，馬會網上文字直播）

甘美奧首回合表現並唔失禮，只因防線一次疏忽，被對手偷襲得手最後輸0比1，的確有多少唔抵。慶幸只係落後一粒，翻盤機會未算太差，尤其是以甘美奧近十次主場取得八勝嘅走勢，今仗贏波收復失地嘅機會仍然樂觀。事實上，甘美奧中前場人腳不俗，當中包括大家熟悉嘅巴西中場薛羅拔圖，呢位39歲老將曾經効力皇馬、利華古遜、拜仁慕尼黑等歐洲勁旅，大戰經驗非常豐富，有佢壓住個場，可助提升隊友爭取反勝嘅決心。
聖羅倫素冇態頂唔住

聖羅倫素近四仗僅入一球，火力相當疲弱，佢哋首回合有一球在手，今次作客更加唔會主攻，估計聖羅倫素會盡量發揮防守強項，希望力保勝果至最尾。不過久守必失，聖羅倫素狀態麻麻，加上分組賽作客另一支巴西球隊保地花高，最終都要淨吞兩蛋而回，有辦畀大家睇，聖羅倫素今仗肯定凶多吉少。
高士路焗攻吼大

另外，智利球隊艾斯賓路拿主場對阿根廷球隊沙蘭迪兵工廠，雙方首回合打和0比0，一切重新開始，估計會以穩陣行先，以免冇仇報，捧入球細。至於巴拉圭球隊波特諾主場對巴西球隊高士路，首回合打和1比1，基於作客入球優惠制度，換言之如果打和0比0，高士路就會出局，今仗作客焗攻，波特諾近期入波亦多，建議要大盤。