拉魯斯主場衝擊10連勝

猪拉多纳

周三足智彩雖然得七場賽事，不過阿King都搵到好嘢；阿甲拉魯斯主場已經連贏多場，擺明係一支靠主場搵食嘅球隊，聽朝阿甲補賽繼續喺自己地頭出擊，面對客場表現麻麻嘅堤格雷有望輕鬆贏波，阿King捧主W！

（周四早上7時10分開賽）

拉魯斯早前由於要踢自由盃16強賽事，所以主場對堤格雷一戰延至明早先進行補賽，球隊早前於自由盃順利過關，係時候專心應付聯賽。拉魯斯近期主場戰績非常標清，已經連贏九場，球員喺自己地頭出戰信心十足，烏拉圭射手辛迪亞高馬田施華近期狀態甚弗，已連續兩場取得入球，今仗有望再有進帳。堤格雷上周作客領先下遭紐維爾舊生反勝，球隊士氣相信會受到打擊，呢班波近四仗作客輸三場明顯不擅客戰，今仗造訪「主場王」拉魯斯相信都係等做炮灰，阿King今仗捧主隊贏波。
白蘭恩侯格辛特入球騷

挪超佔主場嘅白蘭恩同今場作客嘅侯格辛特上仗皆輸波，但白蘭恩上仗作客慘負洛辛堡屬非戰之罪，反而侯格辛特主場不敵桑恩達顯示球隊正處低潮。兩隊後防近期皆穿晒窿，今仗入球應該唔會少，捧大盤！另一支挪超球隊辛尼斯今季仍未打開勝利之門，今仗有主場之利都凶多吉少；相反史達比克兩連勝，今仗就算作客都有力反客為主，捧讓球客勝。