馬模攻力升呢捧主W

猪拉多纳

今晚瑞典盃有兩場四強賽事，首先同大家講吓賽制，瑞典盃由八強開始到決賽均以一場決勝負，若雙方法定時間內打和就要加時30分鐘，再和則要互射12碼決勝負，所以無論瑞超班霸馬模實力有幾高，今晚主場迎戰希爾星堡都絕不留手，務求喺90分鐘內KO對手，呢場熱捧1.52倍主W﹗

（周四晚9時開賽）

上季瑞典超冠軍馬模今季延續強勢，喺聯賽繼續做「一哥」，卡士已勝其他球隊一籌嘅馬模今季仲有強援羅辛貝治加盟，攻力更上一層樓，呢位31歲前鋒去過荷甲、德甲同英超發展，實力同經驗有番咁上下，佢今季由西布朗重返家鄉球隊馬模，相比起喺德甲、英超踢波，佢喺瑞超入波如食生菜，級數超班，今場瑞典盃對住「作客蟲」希爾星堡，相信又係時候起筷。希爾星堡話佢係「作客蟲」真係冇錯，連埋季前熱身賽，希軍近六場作客輸咗五場，唯一一場勝仗只不過係贏丙組仔托斯蘭達，根本不足以作準，今場主勝真係有買趁早。
天狼星有前冇後吼大

至於另一場瑞甲嘅天狼星主場越級挑戰瑞超嘅艾夫斯堡，天狼星近四場全開大盤，皆因佢哋踢法有前冇後，近況大勇嘅艾夫斯堡隨時同主隊上演入球騷，大盤值得捧場。