祖記細勝賓菲加

猪拉多纳

無形之手保送「斑馬」入決賽?

歐霸盃4強次回合矚目之戰，「斑馬兵團」祖雲達斯主場對賓菲加，賽前爆出歐洲足協想「護送」祖記入決賽，突然向賓菲加中場安素佩雷斯秋後算帳，可能追罰佢停賽，「陰謀論」空穴來風未必無因。事實上，決賽將喺祖記主場祖雲達斯球場舉行，屆時票房及氣氛肯定有保證，唔排除有「無形之手」幫佢哋一把，預料祖雲達斯可「僅熟」過關，如果嫌主W1.45倍乏味，可揀1.78倍入球細。

（有線61及201台周五凌晨3時05分直播）

首回合祖記1比2不敵賓菲加後向歐洲足協投訴，指安素佩雷斯比賽時向基亞連尼批（月爭），歐洲足協初時冇反應，等到開波前一日，先至話要調查，一旦罰佢停賽，肯定打亂賓菲加部署，令呢支葡超勁旅非常不滿。論全球知名度及號召力，祖雲達斯明顯喺賓菲加之上，歐洲足協一直致力提升歐霸盃吸引力，當然需要祖記呢類豪門撐場，尤其係決賽亦喺呢支意甲球隊主場舉行，由佢哋擔當主角，就最好不過。

雖然祖雲達斯落後1球，但畢竟亦有1粒作客入球在手，換言之贏1比0都可以晉級，機會仍然樂觀。祖記今季最叻「煲魚生粥」，入波往往一球起、兩球止，好可能就係小勝1比0打入決賽。
歐協突追罰安素佩雷斯

賓菲加除面臨被「惡搞」外，今季四線作戰亦踢到殘，上仗葡聯盃4強對波圖，上半場中段已十人應戰，最終僅憑互射12碼晉級，令球員疲於奔命，去到意大利比賽，隨時力不從心。另外，賓菲加作客好保守，近14次作客竟然有12次開細，細盤值得再追。