祖記主場殺聲震天

猪拉多纳

肥叔成日都話畀波要對讀者交代，唔好就唔貼，之前歐霸盃一路冇作提供，但去到淘汰賽階段有好嘢一定同大家分享，上次4強首回合兩隻推介中晒，其中西維爾嗰場仲同外籍大戶打對台，以往肥叔都忌班大戶幾分，但呢場波特別有信心，贏波仲要贏埋場牙骹戰，真係零舍開心。
西維爾秤先啲

歐霸盃次回合重心擺喺祖雲達斯主場對賓菲加，兩班波都係有分量，肥叔之前講過賓菲加實力唔簡單，但祖記亦非善類，最重要係今屆歐霸盃決賽喺正佢哋主場上演，呢個係千載難逢嘅機會，若然真係捧到盃分外威水，所以幕後人決心好大，呢次返到主場殺聲震天，讓到半一至一球都要捧上盤！

另一場西甲大戰，外籍大戶上次捧華倫損手，講緊跌咗幾「球」，絕對唔係講笑，某程度亦反映佢哋計過數華倫唔係咁曳。兩班波再次碰頭，肥叔仍然秤先西維爾多少，但預期華倫都係進行大反擊，相信兩隊會合演一場入球騷，大盤可作投X重心，兼顧埋下盤，博雙殺！