阿積士祝捷煞科日攞威

猪拉多纳

荷甲今晚煞科，九場聯賽同時間開波，聯賽冠軍阿積士將於主場迎戰奈梅亨。阿積士志在同球迷開祝捷派對，相反奈梅亨雖然領先包尾嘅洛達三分，但由於得失球差不及後者，今場落敗而洛達喺另一邊廂贏波，奈梅亨便會跌落榜尾直接降班，所以最低限度要攞一分。

不過，奈梅亨有心唔一定有力，上周佢哋對住另一前列球隊川迪有主場之利兼喺早段先開紀錄嘅優勢下，最終大敗二比五，睇唔到佢哋有咩板斧可以搶分。阿積士早前喺荷蘭盃落敗已經好冇面，煞科戰唔想輸波掃興，捧讓球主勝。
英冠煞科伯明翰唔輸得

同日英冠亦會上演煞科戰，現排尾三嘅伯明翰一旦輸波來季便要降落英甲角逐，作客保頓一樣照搶攻，首選大盤。

（TVB 302周六晚7時15分直播）
now 670周日凌晨零時45分直播