慕遜 緬恩斯演入球騷

猪拉多纳

兩軍射手弗到漏

德甲仲有兩個禮拜就煞科，由第3位至第6位嘅「歐洲賽資格區」仍充滿變數。今晚排第6嘅慕遜加柏將會主場迎戰排第7嘅緬恩斯，兩隊都希望攞晒3分下季有份踢歐洲賽，戰意唔使懷疑，加上兩隊射手都狀態大勇，一於捧1.62倍「入球大」！

（有線62及202周六晚9:30直播）
岡崎力爭成日本「士哥王」

慕遜加柏上輪贏咗史浩克04，依家只係落後第4位嘅利華古遜3分，仍然有希望爭到一張歐聯外圍賽入場券。但同緬恩斯比，又只係高兩分咁多，掉番轉有咩差池，就可能連歐霸資格都保唔住。好在德國新星靴爾文近排幾弗，已經連續兩場聯賽有波入，以慕遜加柏嘅攻擊力，入波唔難。

緬恩斯上場贏咗紐倫堡重燃踢歐洲賽嘅希望。日本射手岡崎慎司近兩場入3球人氣急升，佢咁多年嚟已經喺德甲入咗24球，差兩球就追到前輩奧寺康彥嘅26球紀錄，成為德甲日本首席「士哥王」，所以無論為球隊或自己，岡崎慎司肯定搏命爭取入波。
頂占筍盤：慕遜加柏（入球大）