季尾扶手棍

猪拉多纳

　　馬季已進入最後倒數階段，賽事餘下不足20期，作為馬迷的你我，便要好好把握最後衝刺機會，暑期想去歎世界，更加要落力搵使費，但先旨聲明，必須量力而為。

　　說到季尾時期，有三幾對組合行得特別埋，但切勿誤解筆者意思，「埋」不存在貶意，意指有些騎練合作無間、落點準確，譬如大摩和貝湯美、告東尼和韋達以及方嘉柏和潘頓。

　　摩貝這一對，上周日已攜手起孖寶，並捧走女皇盃，可謂名利雙收；東韋二人組雖然鮮有在盃賽場合揚威，勝在密食當三番，近期多匹合作馬非冠即亞；方潘也不遑多讓，單是最近10次合作裏，已有6匹順利獲勝，未至於戰無不勝，但可稱得上信心保證。

　　兵荒馬亂揀馬難

　　季尾階段，兵荒馬亂，揀馬難度提高，不論WQT，同樣不易命中，如果有幾支扶手棍，不失為一件好事，最起碼他們的戰意鮮明，搏到尾，砌到盡，押注在其身上，較有保障。

　　(Andy)