廠仔掃射西布朗

猪拉多纳

贏埋呢場攞歐聯席位

歐聯資格一向係阿仙奴每季嘅最大目標，今晚佢哋只要喺主場擊敗西布朗，就鎖定下季歐聯席位，為免夜長夢多，當然會搶攻啦！兵工廠近期復勇，今季喺主場更加只係輸過1次咁大把，今晚對住防線非常不穩嘅下游球隊西布朗，大炒對手又有咩難度吖？小妹推介1.66倍「讓主」！

早排唔少球迷都以為阿仙奴會失落歐聯席位，點知又畀佢哋及時復勇，再借住愛華頓失準爬番上嚟，堪稱「爭前四專家」！「廠仔」4場聯賽不敗唔在講，更大嘅喜訊係陣中個個「槍手」將士用命，普多斯基喺對侯城同韋斯咸時都梅開二度，長抖後復出嘅奧斯爾亦都喺上輪對侯城時取得「士哥」，各位廠迷絕對唔需要擔心愛隊嘅火力啦！「廠仔」們明知贏咗今場，歐聯資格就即刻落袋，今場有咩理由唔入多幾粒務求穩陣過關先？憑住今季18場聯賽僅1敗嘅主場威力，大炒冇難度啦。
阿仙奴聯賽主場僅1敗

客隊西布朗今季經常徘徊喺降班邊緣，到依家仍然未成功上岸，全因佢哋後防實在太差！雖然西布朗前線火力唔差，但係近13場作客賽事，居然只得1場冇失波，就算對住阿士東維拉、韋斯咸等唔算強嘅對手，都可以失足3、4球，今晚對住態勇嘅兵工廠，睇怕會慘敗一場喇。
Data King：近15次對賽都有波入

‧阿仙奴對上15次喺英超同西布朗交手全部有波入。

‧兵工廠連續17場聯賽主場不敗。

‧阿仙奴連續4場英超開「半場大」。

‧西布朗近6次作客兵工廠輸5場。
乜都玩錦囊：玩埋2.1倍半場大

只要阿仙奴今晚贏波即可奪得下屆歐聯參賽資格，成班球員肯定一落場就喪攻。睇番佢哋連續2仗都喺換邊前省入2粒，就知佢哋鬥心十足。對手西布朗下周中要作客新特蘭，相信球隊或多或少都為呢場「6分波」留力，心不在焉下更難擋住火力全面復甦嘅兵工廠，一於進取啲揀2.1倍「半場大」。