筍盤益你:魅力影子庸中佼佼

不死鸟

 正所謂路遙知馬力，一匹馬如果冇足夠氣量，咁就好難喺大長途賽事偷雞。頭場五班二千二百米，由於同程編排次數唔多，加上有啲又係初跑或血統冇長力支持，計落要吼實曾喺同程有表現嘅馬。

         「年年如意」、「天才小子」、「常盈」、「魅力影子」同「威力」最近曾喺總場次521同場角逐，嗰場谷草二千二百米順序由「常盈」、「魅力影子」同「天才小子」包辦三甲，如果刻意喺呢三匹馬中揀捧場對象，相信要秤先「魅力影子」。除上仗僅輸短頭外，今次抽三檔亦係有利因素，加上續配賴維銘負一一六磅，對跑長途賽嚟講亦相當重要，既然「魅力影子」已連續五仗跑入前五名，證明呢匹五歲愛爾蘭馬終於完全適應水土，力足收復失地兼打開在港勝門。

        唔少聯賽已步入尾聲，呢個時候有啲波都幾好買，嗰啲要爭冠軍或護級嘅球隊，至少場場搏盡，今晚斑尼揀場比勒費爾德同大家傾吓。

       上仗比勒費爾德作客利華古遜，嗰次推介讓球主客和客勝，結果踢成二比二贏盤﹔和波攞一分後，依家只得二十七分排尾三，仲未脫離降班漩渦，今晚返主場對排第八嘅賀芬咸，客隊目前無欲無求，加上呢隊升班馬季內力挫唔少強手，可謂已交代有餘，鬥志隨時稍為鬆懈，而近十次作客亦只得一勝五和，諗落揀比勒費爾德較穩陣，捧主客和主勝。